Tere Firaaq Ke Lamhe Shumaar Kerte Huey
Bikhar Gaye Hain Tera Intizaar Kerte Huey

To Mein Bhi Khush Hoon Koee Jaa Ke Us Se Keh Dena
Agar Voh Khush Hai Mujhe Be Qaraar Kerte Huey

Mein Muskuraata Huaa Aaiyne Mein Ubhroon Gaa
Voh Ro Paregi Achaanak Singhaar Kerte Huey

Tumhen Khabar Hi Naheen Hai Ke Koee Toot Gaya
Mohabbaton Ko Bohat Paaeydaar Kerte Huey

Mujhe Khabar Thi Ke Ab Lot Ker Naa Aaoon Gaa
Tujhi Ko Yaad Kiya Dard Paar Kerte Huey