usne kashish na di apne chehre ko dekhne me
uske chehro me ek chehra mera bhi kahin hai
usne awaaz ko apni gaur se na suna
har lahJe me uske awaaz meri bhi kahin hai
usne chaha na chahat ko kabhi junoon se
uski chahat me kasak meri bhi kahin hai
usne gina na kabhi apno me hume
uski aarzoo me dua meri bhi kahin hai
usne pukara na shiddat se kabhi hume
uske lamho me saya mera bhi kahin hai
usne sambhala na khud ko girne se kabhi
uski dhadkano me saansein meri bhi kahin hai
usne dekha na andheron ko kabhi qarib se
unme gum udaasi meri bhi kahin hai
usne nadaani ko bhi apne chalte na dekha
unme maasumiyat ke kadam mere bhi kahin hai |